Visto o expediente de revisión salarial do convenio colectivo do sector de industrias vinícolas, alcoholeiras, licoreiras, sidreiras e o seu comercio da pro

vincia da Coruña, que tivo entrada nesta delegación provincial o día 6-3-2002, subscrito en representación da parte económica pola Asociación Provincial de Mayoristas y Embotelladores de Vinos, e da parte social polas centrais sindicais UGT e CIG o día 5-3-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de

funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 20 de marzo de 2002.

Reyes Carabel Pedreira

Delegada provincial da Coruña

Acta da reunión da comisión negociadora do convenio provincial de industrias vinícolas, alcoholeiras, licoreiras, sidreiras e o seu comercio da provincia da Coruña

Asistentes.

Pola parte empresarial: Asociación Provincial de Mayoristas y Embotelladores de Vinos. Víctor Robla Carreiras.

Pola parte social: Roberto Veira, UGT. Manuel Bello, CIG.

Na Coruña, ás 12 horas do día 5 de marzo de 2002, nos locais de UGT reúnense as persoas anteriormente citadas, para a sinatura da acta final do convenio provincial das industrias vinícolas, licoreiras, sidreiras e o seu comercio, nos seguintes termos:

1. Prórroga-lo texto do convenio colectivo publicado no BOE do día 12 de xuño de 1999, coas seguintes modificacións:

Artigo 1º.-Vixencia. Dous anos, desde o 1 de xaneiro de 2001 ó 31 de decembro de 2002, con carácter retroactivo ó 1 de xaneiro de 2001.

Artigo 10º.-Aumentos periódicos por anos de servicio. Importe do bienio, 28,06 euros.

Artigo 12º.-Gratificacións extraordinarias. Letra b). Establécese unha gratificación de 311,68 euros para o ano 2001.

Artigo 13º.-Complemento de asistencia. Valor diario, 2,77 euros.

Artigo 22º.-Contía das retibucións. Aproba-las táboas salariais que se xuntan en anexos a esta acta.

Incremento para o ano 2001 do 3% sobre as táboas definitivas de 2000.

Incremento para o ano 2002, IPC previsto (2%) máis 0,3 %, total 2,3 % sobre as táboas definitivas de 2001.

Cláusula de revisión salarial para o ano 2002: garántese un IPC real máis 0,3 puntos en tódolos conceptos retributivos, con efectos do 1 de xaneiro do mesmo ano.

Facúltase a Roberto Veira López para realiza-los trámites de sinatura e rexistro para a súa posterior publicación.

Sen máis asuntos que tratar, asínase esta acta en proba de conformidade.

ANEXO I

Táboas salariais definitivas do convenio de industrias vinícolas 2001 e outros conceptos retributivos.

Persoal limpeza 2,30 euros hora

Táboas salariais definitivas do convenio de industrias vinícolas 2001 e outros conceptos retributivos.

Antigüidade (valor bienio): 28,06 euros

Gratificación patronal sector: 311,68 euros

Complemento asistencia (valor diario): 2,77 euros

ANEXO II

Táboas salariais do convenio de industrias vinícolas 2002 e outros conceptos retributivos.

Persoal limpeza pesetas hora: 2,35 euros.

Táboas salariais definitivas do convenio de industrias vinícolas 2002 e outros conceptos retributivos.

Antigüidade (valor bienio): 28,71 euros

Gratificación patronal sector: 318,85 euros

Complemento asistencia (valor diario): 2,83 euros