Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Eléctrica de Cabañas, S.L.

Domicilio social: r/ Areal, 45, baixo, 15621 Cabanas (A Coruña).

Denominación: centro de interconexión H. del Zarzo-E. de Cabañas.

Situación: Cabanas.

Descricións técnicas: reforma da interconexión que Eléctrica de Cabañas ten na caseta do Penso, de H. del Zarzo, S.A., que consiste en substituí-las instalacións de obra da fábrica por intalación compactas da marca Ormazábal, consistentes en: cela de seccionamento, cela de protección con interruptor automático, cela de medida e cela de seccionamento

de liña e rexistrador de calidade e equipo de telemedida. Concello de Cabanas.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, do Real decreto 1955/2000, do 1 de decembro, sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra esta resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se considere pertinente ó seu dereito.

A Coruña, 8 de abril de 2002.

Jesús Espada Martínez

Delegado provincial da Coruña

CONSELLERÍA DE CULTURA, COMUNICACIÓN SOCIAL

E TURISMO