A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servicios Sociais, pola que se esta
blece na Comunidade Autónoma de Galicia a normativa reguladora para a homologación de cursos de formación para realizar tratamentos con praguicidas, así como para a obtención do carné de manipuladores deste productos, establece no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que vaia celebrar.
A finalidade principal destes cursos é conseguir unha formación adecuada para os agricultores que realicen tratamentos na súa propia explotación, sen empregar persoal auxiliar, con productos fitosanitarios ou de uso gandeiro, de categorías toxicolóxicas nociva ou tóxica, co obxecto de que poidan obte-lo carné de manipulador para eses productos, de nivel básico, que os capacite para exerce-la dita actividade a nivel autonómico e estatal.
En consecuencia, anúnciase a convocatoria de cursos de aplicador/manipulador de praguicidas que se celebrarán de acordo coas seguintes bases:
1. Clase de cursos que se van impartir:
Cursos de aplicador/manipulador de productos fitosanitarios e de uso gandeiro. Nivel básico.
2. Datos dos organismos organizadores:
O organismos organizadores serán o Centro de Formación, Investigación e Tecnoloxía Agraria de Galicia, en colaboración coas organizacións profesionais agrarias.
3. Obxectivos dos cursos:
Que os agricultores que produzan alimentos para consumo propio ou para a venda, efectúen correctamente os tratamentos con praguicidas para poder garantir así que se garden os prazos de seguridade obrigatorios para cada praguicida e se cumpren coas esixencias legais en vigor en canto a límites de residuos.
Que o aplicador utilice o equipo de protección adecuado para evita-los posibles danos á súa saúde e á doutras persoas.
Que o agricultor coñeza os primeiros auxilios que se deben prestar en caso de que se produza unha intoxicación con praguicidas.
Que as técnicas de aplicación dos praguicidas se realicen de forma que se impida a posible contaminación do ambiente.
4. Destinatarios:
a) Destinatarios: agricultores que realicen tratamentos na Comunidade Autónoma de Galicia con productos fitosanitarios ou de uso gandeiro.
b) Número de prazas ou número de alumnos que poderá participar por curso será de 30 como máximo.
Criterios de selección: o solicitante deberá ter, como mínimo, 18 anos.
Na selección terán prioridade os agricultores especificados no punto 3, e os preseleccionados polas organizacións profesionais agrarias que colaboren na realización do curso.
5. Celebración:
Os lugares e datas de celebración dos 37 cursos son os que figuran como anexo III de esta resolución.
Duración e horario:
Duración de cada curso: 21 horas lectivas distribuídas en 13 horas de clases teóricas e 8 de clases prácticas.
O horario de cada curso será de 15 a 19 horas de luns a xoves e de 9 a 14 horas do venres.
Os coordinadores de cada curso poderán modifica-lo horario ou ben os días se fose necesario.
6. Programa:
Os temarios que se impartirán son os que figuran no anexo II.
7. Coordinación técnica do curso:
De acordo coa facultade conferida no artigo 10 da Orde do 30 de xullo de 1997, a coordinación do curso realizarase a través do Centro de Formación, Investigación e Tecnoloxía Agraria de Galicia e das organizacións profesionais agrarias.
8. Solicitude e inscrición:
a) Documentación: o persoal que desexe participar neste curso deberá presentar cuberta a solicitude que figura como anexo I xunto cunha fotocopia compulsada do DNI e, se é o caso, certificación da preselección realizada pola organización profesional agraria que colabora na organización do curso.
A documentación sinalada anteriormente presentarase nos rexistros xerais da Consellería de Política Agroalimentaria e Desenvolvemento Rural das 9 ás 14 horas, ou en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
O prazo de presentación de instancias será de 3 días naturais, contados desde o seguinte ó da publicación desta resolución.
b) Admisión: a relación de solicitantes admitidos exporase no taboleiro de anuncios do organismo convocante, no prazo de 2 días naturais, contados a partir do día seguinte ó da finalización do prazo sinalado para a inscrición.
9. Certificado de superación do curso.
Para obte-lo certificado de superación do curso, o alumno terá que asistir a tódalas sesións del e ter superadas as probas pertinentes que avalen os coñecementos adquiridos. Unha vez obtido o dito certificado poderáselle solicitar á Dirección Xeral de Producción e Sanidade Agropecuaria o carné de manipulador de productos fitosanitarios e de uso gandeiro de nivel básico, que é o único documento válido para poder exerce-la actividade e para os efectos de inspección por parte dos organismos oficiais correspondentes.
Santiago de Compostela, 18 de abril de 2002.
José Antonio Álvarez Vidal
Secretario xeral da Consellería de Política
Agroalimentaria e Desenvolvemento Rural
ANEXO II
Programa do curso para os productos fitosanitarios e de uso gandeiro. Nivel básico
1. Praguicidas: descrición e xeneralidades.
2. Riscos derivados da utilización dos praguicidas.
3. Perigo dos praguicidas para a saúde. Intoxicacións.
4. Práctica da protección fitosanitaria. Relación traballo-saúde, primeiros auxilios en caso de intoxicación.
5. Medidas preventivas e protectoras para evita-lo risco de uso de praguicidas.
6. Boa práctica fitosanitaria. Protección do ambiente e normas legais.
7. Exercicios prácticos.
8. Proba de avaliación.
Mínimo de horas lectivas: 21.
ANEXO III
Cursos de aplicador/manipulador de praguicidas fitosanitarios e de uso gandeiro. Nivel básico
Provincia Lugares Data de realización
A Coruña Muxía 3-7 xuño
Vimianzo 3-7 xuño
Curtis 27-31 maio
Ortigueira 6-10 maio
Touro 27-31 maio
Carballo 27-31 maio
Arteixo 29 abril-3 maio
Paderne (2) 29 abril-3 maio
Vedra 29 abril-3 maio
Vedra 2-8 maio
Aranga 6-10 maio
Mañón 6-10 maio
Padrón 6-10 maio
A Capela 13-17 maio
Ferrol 13-17 maio
Irixoa 13-17 maio
A Laracha 27-31 maio
Lugo Chantada 20-24 maio
Meira 6-10 maio
A Pastoriza 6-10 maio
A Pastoriza 13-20 maio
Ourense A Peroxa 6-10 maio
Crecente 13-20 maio
Ribadavia 6-10 maio
Vilar de Santos 29 abril-6 maio
A Peroxa 20-24 maio
O Barco 6-10 maio
Pontevedra Arbo 29 abril-6 maio
O Rosal 13-17 maio
A Estrada 6-10 maio
A Estrada 6-10 maio
Bueu 6-10 maio
Cambados 6-10 maio
Meis 6-10 maio
Provincia Lugares Data de realización
Cambados 13-17 maio
Meaño 13-17 maio
Ponteareas 13-17 maio
Cambados 20-24 maio
A Estrada 27-31 maio
Barro 27-31 maio
O Rosal 3-7 xuño
Tomiño 10-14 xuño