A Sociedade Galega do Medio Ambiente, S.A. de acordo co establecido na Lei 10/1996, do 5 de novembro, anuncia a convocatoria de selección de persoal de cadro para os seguintes postos.
1. Obxecto.
Convócanse as probas selectivas para cubri-las prazas dun oficial administrativo contabilidade, un técnico de comunicación, un xefe de persoal e un técnico de calidade e I+D, para a Sociedade Galega do Medio Ambiente, S.A.
2. Requisitos dos solicitantes.
Poden participar no proceso de selección aquelas persoas que cumpran os seguintes requisitos:
2.1. Requisitos mínimos que deberán acreditar:
Oficial administrativo contabilidade (ref. OAC, apdo. 15, 15680 Ordes, A Coruña).
Titulación: FPII contabilidade.
Experiencia: experiencia mínima de 3 anos en posto similar.
Técnico de comunicación (ref. TC, apdo. 28, 15680 Ordes, A Coruña).
Titulación: licenciado universitario.
Experiencia: experiencia mínima de 3 anos en posto similar.
Xefe de persoal (ref. XP, apdo. 24, 15680 Ordes, A Coruña).
Titulación: graduado social/relacións laborais.
Experiencia: experiencia mínima de 3 anos en posto similar.
Técnico de calidade e I+D (ref. TCID, apdo. 13, 15680 Ordes, A Coruña).
Titulación: licenciado universitario.
Experiencia: experiencia mínima de 2 anos en posto similar.
2.2. Requisitos xerais:
-Ter nacionalidade dun país membro da Unión Europea.
-Ter cumpridos 18 anos de idade.
-Non padecer enfermidade ou defecto físico que impida o desenvolvemento das funcións correspondentes.
-Non estar separado do servicio de ningunha Administración pública en virtude de expediente disciplinario, nin encontrarse inhabilitado por sentencia firme para o exercicio de funcións públicas.
-Posuír e acredita-la titulación académica esixida (homologada polo Ministerio de Educación, no caso de títulos emitidos por un país que non sexa membro da Unión Europea).
3. Prazo e lugar de presentación de solicitudes.
Os interesados que cumpran os requisitos mínimos establecidos anteriormente, que desexen formar parte destas probas selectivas, deberán recolle-las bases da convocatoria para o posto ó que se opte en Copy Nino; rúa Xeneral Pardiñas nº 2, Santiago de Compostela.
A presentación das solicitudes farase no modelo incluído nas bases da convocatoria e o prazo de presentación de solicitudes será de dez (10) días naturais contados a partir do día seguinte ó da publicación desta convocatoria no Diario Oficial de Galicia.
4. Inicio das probas.
En ningún caso se realizarán antes dun mes contado desde o día seguinte ó da publicación deste anuncio no DOG conforme o artigo 4 da Lei 10/1996.
Luis Mingo Reiz
Presidente da Sociedade Galega do Medio
Ambiente, S.A.