O Consello da Xerencia Municipal de Urbanismo, en sesión do 21 de febreiro de 2002, acordou aprobar definitivamente o proxecto de estatutos e bases para a constitución e funcionamento da Xunta de Compensación da Unidade de Actuación Pobo Galego, conforme o texto publicado no DOG nº 214, do 6 de novembro de 2001, coas seguintes rectificacións respecto do texto inicialmente aprobado:

-Na base 5ª.2 suprímese a frase sen computar en ningún caso as expectativas da actuación.

Na base 8ª.1 substitúese o termo incompatible polo de compatible.

A base 18ª.2 queda redactada do seguinte xeito: para a determinación do valor das parcelas resultantes considerarase o básico de repercusión coas correccións, cando proceda, derivadas da situación e características da cada parcela no polígono ou unidade reparcelable, determinadas na forma que sinale a normativa sobre fixación de valores catastrais.

Se o valor básico de repercusión non estivese fixado pola Administración tributaria conforme as determinacións do plan en execución, calcularase coas mesmas regras que se utilizan para a súa fixación pola citada Administración tributaria. Todo isto sempre de conformidade co establecido no artigo 28.3º e 4º LSRV.

No artigo 16.2º, introdúcese a seguinte excepción: agás as sinaladas coas letras h) e i) do número ante

rior, quedando redactado o epígrafe como segue: o incumprimento das súas obrigas por calquera propietario ou propietarios, agás as sinaladas coas letras h) e i) do número anterior, lexitima a xunta para promove-la expropiación conforme a vixente normativa urbanística.

A base 22 modifícase na súa redacción, que será a seguinte: en tanto que a ordenación do polígono non prevé expresamente a situación da entrada e saída do aparcadoiro subterráneo que nel se proxecta, a eventual servidume de paso que se constitúa sobre parcelas privadas, con este fin, en favor daquel, terá o carácter de voluntaria e, xa que logo, a indemnización desta será a que libremente estipule o Concello de Vigo, logo dos informes técnicos e xurídicos procedentes que xustifiquen a constitución e a valoración da servidume, e a propiedade do predio privado gravado."

De conformidade co artigo 59 da Lei 30/1992, do 26 de novembro, de réxime xurídico das adminstracións públicas e do procedemento administrativo común, por medio deste anuncio, notifícase o acordo que nel se contén a tódolos/sa propietarios/as afectados descoñecidos, de ignorado enderezo, respecto dos cales non se puido practica-la notificación intentada.

Contra o devandito acordo, que pon fin á vía administrativa, poderá interpoñerse un dos seguintes recursos:

A. Recurso potestativo de reposicion ante o Consello da Xerencia Municipal de Urbanismo do Concello de Vigo, no prazo dun mes contado a partir do día seguinte ó de publicación deste anuncio.

B. Recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó de publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.

Non obstante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo máximo dun mes para dictar e notifica-la resolución.

Vigo, 5 de marzo de 2002.

Lois Pérez Castrillo

Alcalde-presidente da Xerencia Municipal

de Urbanismo