Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 966/2001, por instancia de Margarita Jove Castelo contra Quintino dos Santos, S.L., sobre depedimento, nos que recaeu sentencia en data 5-3-2002 que, copiada nos particulares necesarios, di así:
«Decido que, estimando a demanda promovida por Margarita Jove Castelo contra a empresa Quintino dos Santos, S.L., debo declarar e declaro improcedente o despedimento efectuado á demandante e así mesmo extinguida a relación laboral que unía os litigantes o día de hoxe, condenando a demandada a estar e pasar pola anterior declaración e ó aboamento da cantidade de 2.044.883 pesetas (12.289,99 A), en concepto de indemnización, e ó aboamento dos salarios deixados de percibir desde a data do despedimento ata a notificación desta resolución, a razón de 4.709 pesetas diarias (28,30 A).
Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba diante deste Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá tese por anunciado o recurso e quedará firme a sentencia. Débese consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-
lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación á empresa Quintino dos Santos, S.L., expido e asino esta cédula na Coruña o 22 de marzo de 2002.
A secretaria xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA
