En sesión que tivo lugar o día 8 de abril de 2002, o tribunal V-D designado pola Orde do 24 de decembro de 2001 para xulga-lo proceso selectivo para o acceso á categoría 10E (vixilante de arquivos, bibliotecas e museos), correspondente ó grupo V do persoal laboral fixo da Xunta de Galicia, convocado pola Orde do 30 de xullo de 2001, acordou, de conformidade co disposto na base III.10 da convocatoria, que o primeiro exercicio da fase de oposición para a categoría 10E se realizará o día 10 de maio de 2002 no recinto feiral internacional de Galicia (Silleda), en chamamento único.
A realización do exercicio comezará ás 13.30 horas, abríndose as portas do lugar de acceso para a súa realización ás 12.30 horas.
Os aspirantes deberán ir provistos de DNI ou documento fidedigno acreditativo da súa identidade, a xuízo do tribunal, lapis do nº 2 e goma de borrar.
Santiago de Compostela, 8 de abril de 2002.
Antonio Rodríguez Álvarez
Presidente do tribunal