Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 353/2001 por instancia de Fremap Mutua Accidentes contra INSS e outras sobre outros, nos que recau sentencia en data 8-3-3003 que, copiada nos particulares necesarios, di así:

«Que estimando a demanda formulada por Mutua premap, declaro a total responsabilidade da empresa Socime, S.L. nos accidentes sufridos polos traballadores demandados, polo que debe reintegrar á mutua demandante a cantidade de 450.212 pesetas, xa adiantadas por esta, sen prexuízo de se-lo caso, da responsabilidade subsidiaria do Instituto Nacional da Seguridade Social e Tesourería Xeral da Seguridade Social.

Absolvo da demanda os traballadores afectados Francisco Castro Álvarez e Mario Iglesias Fernández.

Notifíqueselles esta resolución ás partes, facéndolles saber que contra esta cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles contados a partir do seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para os efectos da súa publicación no Diario Oficial de Galicia co fin de que

sirva de notificación en forma á empresa Socime, S.L. expido e asino esta cédula na Coruña, 8 de marzo de 2002.

O secretario xudicial

Rubricado