Vista a acta da revisión salarial do convenio colectivo para o sector de limpeza de edificios e locais, con nº de código 3600895, que tivo entrada nesta delegación provincial o día 19-2-2002, subscrita en representación da parte económica pola Asociación Provincial de Limpeza de Edificios e Locais, e da parte social, polas centrais sindicais CC.OO., UGT e CIG, en data 19-2-2002. De conformidade co disposto no artigo 5 do convenio colectivo e no arti

go 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 26 de febreiro de 2002.

Antonio Coello Bufill

Delegado provincial de Pontevedra

Convenio colectivo do sector de limpeza

de edificios e locais da provincia de Pontevedra

Asistentes:

CC.OO.: Carmen Segura Bedrina.

UGT: Rosa Mª Acuña.

CIG: Carmen Veiga.

Representación empresarial: Adolfo González González, Alfonso Regueiro Costas.

Secretario de actas: Pablo Búa Burgos.

En Vigo, nos locais da Confederación de Empresarios de Pontevedra, sendo as dezasete horas do día dezanove de febreiro de dous mil dous, reúnese a comisión paritaria do convenio colectivo do sector de limpeza de edificios e locais da provincia de Pontevedra co obxecto de aplica-la cláusula de revisión salarial establecida para este exercicio. Asisten as persoas indicadas anteriormente.

A continuación procédese a aplica-lo 2,7% de incremento sobre as táboas salariais, complemento de transporte, complemento de asistencia, axudas de custo e horas extraordinarias, que quedan como segue con efectos do 1-1-2002:

-Táboa salarial: ver anexo.

-Complemento de transporte: 66,56 euros (11.075 pesetas) mensuais. Por cada día de ausencia ó traballo descontarase a cantidade de 2,99 euros (497 pesetas).

-Complemento de asistencia: 47,37 euros (7.881 pesetas). Por cada día de ausencia ó traballo descontarase a cantidade de 2,13 euros (353 pesetas).

-Axudas de custo:

a) Media axuda de custos: 12,93 euros/día (2.152 pesetas).

b) Axuda de custos completa: 22,97 euros/día (3.822 pesetas).

c) Con pernoita: 38,60 euros/día (6.373 pesetas).

-Horas extraordinarias:

a) Hora extra: 5,25 euros (873 pesetas).

b) Hora en domingo e festivo: 6,17 euros (1.027 pesetas).

Ámbalas partes acordan a súa remisión á autoridade laboral para efectos do seu rexistro e posterior publicación no BOP e no Diario Oficial de Galicia.

Non habendo máis asuntos que tratar, levántase a sesión sendo as dezaoito horas do día arriba indicado.

ANEXO

Táboas de salarios 2002 do sector

de limpeza de edificios e locais