Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: modificado II L.M.T. Meirama-As Encrobas (expedeinte nº 96/226).

Situación: Cerceda.

Descricións técnicas: recuamento L.M.T. aérea a 20 kV Meirama-As Encrobas entre os apoios nº 2 anterior ó C.T. Gontón e o nº 5 despois do dito C.T. de 1.295 m de lonxitude con conductor LA-56. Ramal de 24 m con conductor LA-56, que parte do apoio nº 2 da variante e finaliza no C.T. Gontón que se vai instalar de 100 kVA. Tipo aéreo. Concello de Cerceda.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 20 de febreiro de 2002.

Jesús Espada Martínez

Delegado provincial da Coruña