Obxecto do contrato: contratación de asistencia técnica para a redacción do Plan parcial do sunp-33 en A Lavacolla-Esquipa.

Tipo de licitación: 54.780,21 euros IVE incluído.

Prazo de execución: os traballos realizaranse de acordo coas fases sinaladas no artigo 7 do prego de cláusulas administrativas.

Forma de adxudicación: concurso por procedemento aberto.

Proposicións: os licitadores poderán presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de oito días naturais, contados desde o día seguinte á data da derradeira das publicacións que corresponden facer no Diario Oficial de Galicia e no BOP da Coruña.

Clasificación do contratista: non se esixe.

Documentación: información e documentación: Concello de Santiago de Compostela. (Departamento de Contratación-Servicios). Teléfono: 981 54 30 33. Fax: 981 57 76 27.

Criterios de adxudicación: son os sinalados no artigo 6.2º do prego de cláusulas administrativas.

Garantía provisional: non se esixe.

Garantía definitiva: 4% do importe de adxudicación.

Apertura de plicas: terá lugar en acto público na casa do concello (secretaría) ás 12 horas, o día hábil seguinte, non sábado, á finalización do prazo de presentación de proposicións.

Santiago de Compostela, 22 de marzo de 2002.

O alcalde

Rubricado