En cumprimento do disposto no artigo 70.2º da Lei 7/1985, do 2 de abril, en concordancia co 48.2º da Lei 1/1997, do 24 de marzo, do solo de Galicia, faise público que o Concello Pleno, en sesión ordinaria do 31 de xaneiro de 2002, aprobou definitivamente o estudio de detalle para a ordenación de volumes edificables en soar situado na rúa Xeneral Mola-Guitiriz, promovido por Inalcuba, S.L. e redactado pola arquitecta Iglesias Álvarez con data de abril último.

O contido da memoria, fundamentación, determinacións e ordenanzas do estudio de detalle definitivamente aprobado publicouse no BOP de Lugo número 47, correspondente ó día 26 de febreiro de 2002.

Contra o acordo de aprobación definitiva poderase recorrer potestativamente en reposición perante o mesmo órgano que dictou o acto, no prazo dun mes contado desde o día seguinte ó desta publicación, ou ben poderase interpoñer directamente recurso contencioso-administrativo perante o Xulgado do Contencioso-Administrativo de Lugo ou a sala correspondente do Tribunal Superior de Xustiza de Galicia segundo corresponda, durante o prazo de dous meses contados a partir do día seguinte ó desta publicación.

Guitiriz, 28 de febreiro de 2002.

María José Vázquez Lorenzo

Alcaldesa