Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 828/2000 seguidos por instancia de Justiniano Viejo Martín contra Fogasa e outros sobre salarios, nos que recaeu sentencia con data do 31-1-2002 que, copiada nos particulares necesarios, di así:
Que estimando a demanda formulada por Justiniano Viejo Martín, condeno a empresa Sistemas e Instalaciones de Telecomunicación, S.A.-Sintel, S.A. a aboarlle a cantidade de 28.075,90 euros (4.617.437 pesetas), absolvendo da demanda o Fondo de Garantía Salarial e condenando os comisarios da quebra Gregio Mingot Conde e Alejandro Latorre Atence a estar e pasar pola presente declaración.
Notifíquese esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte á súa notificación.
Prevense a empresa demandada de que para recorrer deberá acreditar ter ingresado na c/c de consignacións, código 5604.0000.60 828-2000 do Banco Bilbao-Vizcaya desta cidade, denominada Conta do Xulgado do Social número tres o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva
de notificación en forma á empresa Sistemas de Instalaciones de Telecomunicación, S.A.-Sintel, S.A., expido e asino esta cédula na Coruña o 27 de febreiro de 2002.
O secretario xudicial
Rubricado