Examinado o expediente iniciado polo centro privado Montegrande da Coruña, polo que se solicita o cambio de titularidade.
Resultando que mediante escritura pública notarial, Matilde Fernández Vázquez cede a súa titularidade, para tódolos efectos, ó Colegio Montegrande, Sociedad Limitada.
Resultando que o referido centro docente ten a correspondente autorización para impartir ensinanzas.
Vistos o Real decreto 1004/1991, do 14 de xuño (BOE do 26 de maio), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que se cumpriron neste expediente os requisitos esixidos pola normativa vixente nesta materia.
Esta consellería, por proposta da Dirección Xeral de Centros e Inspección Educativa,
DISPÓN:
Autoriza-lo cambio de titularidade do centro privado Montegrande da Coruña a favor do Colegio Montegrande, Sociedad Limitada con tódolos dereitos e obrigas contraídos pola cesionista Matilde Fernández Vázquez, sen prexuízo das responsabilidades que puidesen recaer sobre a anterior titular do centro por actos ou omisións realizados antes do cambio de titularidade que se autoriza.
O cambio de titularidade non afectará o réxime de funcionamento do centro.
Santiago de Compostela, 26 de febreiro de 2002.
Celso Currás Fernández
Conselleiro de Educación e Ordenación Universitaria