Dentro dos programas de actividades que a Academia Galega de Seguridade ten previsto realizar no ano 2002, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dun curso sobre relacións co cidadán, que deberá desenvolverse conforme as seguintes bases:
Obxectivos.
O curso ten por obxectivos:
-Afondar no carácter de servicio público que caracteriza o traballo policial.
-Analiza-las demandas máis importantes, tanto cuantitativa como cualitativamente, dos cidadáns para cos corpos de policía, coa finalidade de ofertar en calquera ocasión as respostas máis adecuadas.
-Coñece-los cambios sociais operados na interacción entre a policía e os cidadáns, para poder facilitarlles unha maior calidade na atención policial.
Destinatarios.
O curso vai dirixido ós membros dos corpos das policías locais de Galicia e membros da Unidade do C.N.P. adscrita á Comunidade Autónoma de Galicia; e, no caso de quedaren prazas vacantes ós membros do Corpo Nacional de Policía e Garda Civil.
Inscrición.
A inscrición dos participantes será totalmente gratuíta.
Prazas.
O número de prazas que se ofertarán neste curso será de 27.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 12 de abril, ás 14 horas.
3. As instancias deberán vir asinadas polo xefe do cadro de persoal ou polo concelleiro de tráfico, e seladas; será isto requisito indispensable para ser admitido nos cursos; o incumprimento deste requisito suporá a non admisión ó devandito curso.
4. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso celebrarase en datas do 22 ó 26 de abril, en horario de 16 a 20 horas.
Relación de admitidos.
A relación de admitidos publicarase o día 15 de abril, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
O curso desenvolverase na sede da Academia Galega de Seguridade, no concello da Estrada.
Certificado de asistencia.
Ó remate do curso entregaráselle un certificado de asistencia a aquelas persoas que acrediten a súa participación continuada a el.
Modificacións.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 14 de marzo de 2002.
Juan José Fariñas-Ferro Rodríguez
Director xeral da Academia Galega de Seguridade