A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido no apartado i) do artigo 7 da Orde do 23 de marzo de 2000 pola que se modifica a do 21 de abril de 1998, sobre delegación de competencias en órganos centrais e periféricos do Servicio Galego de Saúde, convoca expediente de contratación, polo procedemento aberto e tramitación ordinaria, mediante concurso, da subministración de suturas e mallas cirúrxicas.
I. Obxecto e orzamento.
A subministración de suturas e mallas cirúrxicas, por un orzamento máximo de 98.749,50 euros (IVE incluído)
II. Prazo de entrega.
Desde a data de formalización do contrato.
III. Documentos de interese para os licitadores.
O prego de cláusulas administrativas particulares e demais documentación complementaria pode ser solicitada no Servicio de Subministracións do Complexo Hospitalario Xeral-Calde de Lugo, rúa doutor Severo Ochoa s/n /27004) Lugo. Teléfono 982 29 65 52 e fax 982 21 29 24.
IV. Fianzas.
Os adxudicatarios deberán consignar unha fianza definitiva do 4% do importe de adxudicación. Esta constituirase segundo o disposto no artigo 36 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
V. Solvencia económica e financeira.
Acreditarase por un ou varios dos medios establecidos no artigo 16 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
VI. Solvencia técnica.
Acreditarase por un ou varios dos medios establecidos no artigo 18 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
VII. Clasificación.
Non se precisa.
VIII. Criterios de adxudicación.
-Calidade, ata 50 puntos
-Prezo, ata 30 puntos.
-Prazo de entrega, ata 10 puntos.
-Dispoñibilidade da codificación código de barras EAN e intercambio de datos EDI, ata 10 puntos.
IX. Admisión de variantes.
Non se admiten variantes.
X. Presentación de proposicións.
As proposicións deberanse presentar en man, en sobres pechados e asinados polo licitador ou persoa que o represente, no Rexistro do Complexo Hospitalario Xeral-Calde de Lugo antes das 14 horas do décimo quinto día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó Complexo Hospitalario Xeral-Calde a remisión da oferta mediante fax ou telegrama no mesmo día.
XI. Apertura de proposicións.
A apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo, ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.
XII. Documentación que deberán achega-los licitadores.
Os documentos que figuran no prego de cláusulas administrativas particulares.
XIII. Anuncios.
Os anuncios deste concurso público serán por conta dos adxudicatarios do contrato.
Lugo, 6 de febreiro de 2002.
Fernando Varela Noreña
Director xerente do Complexo Hospitalario
Xeral-Calde de Lugo