A Comisión de Goberno, en sesión realizada o día 7 de febreiro de 2002 adoptou, entre outros, o seguinte acordo:
1. Aprobar con carácter inicial un plan parcial dun sector da área 8 de SUNP delimitada no PXOU de uso global industrial, promovido por propietarios
de terreos no ámbito e redactado polo enxeñeiro industrial Juan M. Ruiz Caabeiro.
2. Somete-lo documento inicialmente aprobado a información pública polo prazo dun mes, o que se anunciará no DOG e nun xornal dos de maior difusión da provincia; débeselles notificar individualmente este trámite ós propietarios de terreos no ámbito.
Os prazos contarán desde a última publicación deste anuncio (DOG ou xornal) e poderá examinarse o expediente nas oficinas municipais do Servicio de Urbanismo e formula-las alegacións que consideren oportunas.
Culleredo, 8 de febreiro de 2002.
Ricardo Seoane Candamio
Concelleiro delegado de Urbanismo