De conformidade co disposto no artigo 78 do TRLCAP, anúnciase concurso por procedemento aberto para a subministración de pezas de roupa de uniforme para a Policía Local de Ourense, conforme o seguinte contido:

-Obxecto do contrato: o obxecto do contrato mediante concurso é a subministración de pezas de roupa de uniforme.

-Duración do contrato: a vixencia do presente contrato terá unha duración de tres anos. O inicio comezará no prazo de quince días contados desde a data na que se formulen os pedidos correspondentes.

-Tipo de licitación: 147.126 euros.

-Garantía provisional: 2.942,56 euros.

-Presentación de proposicións: no rexistro xeral de 9 a 13 horas, no prazo de 26 días naturais, contados a partir do seguinte a aquel en que apareza inserto o anuncio no BOP e DOG.

-Apertura de proposicións: terá lugar o día hábil seguinte a aquel en que finalice o de presentación de proposicións, ás 12 horas, no salón de sesións do concello.

-Modelo de proposición: recollido no prego de condicións económico-administrativas.

-Expediente: exposto ó público no Departamento de Tráfico (praza de San Martín, 1).

Ourense, 31 de xaneiro de 2002.

Alberto Luis Iglesias Díaz

Concelleiro delegado