Aprobado inicialmente por acordo do Pleno deste concello, do 6-3-2002, o expediente de modificación puntual das normas subsidiarias do planeamento municipal, ordenanza 2.3.2.3.8 (zonas verdes e espacios libres de uso público) e os correspondentes planos de ordenación, respecto á posibilidade de utilización, con destino a velorio, do subsolo da zona verde 14 (antigo cemiterio), sométese a información pública polo prazo dun mes, contado a partir do día seguinte ó da aparición deste anuncio no último dos boletíns ou periódicos nos que deba ser publicado (BOP, DOG e Diario de Pontevedra).

Durante o dito prazo, o expediente atoparase á disposición dos interesados para que poidan examinalo e presenta-las alegacións que teñan por pertinentes.

Bueu, 8 de marzo de 2002.

Tomás Barreiro Sotelo

Alcalde