Aprobado inicialmente polo Pleno deste Concello, na sesión do día 5 de marzo de 2002, a modificación puntual das normas subsidiarias de planeamento deste termo municipal, redactada polo arquitecto Isidro López Yáñez, co obxecto de reclasificar uns terreos de titularidade municipal para poder aplica-la ordenanza de equipamentos e dotacións a unha guardería infantil e a unha residencia de anciáns.
Dando cumprimento á previsión contida no artigo 42.1º, da Lei 1/1997, do 24 de marzo, do solo de Galicia, sométese o expediente a información pública polo prazo dun mes -contado desde o día seguinte ó da última inserción deste anuncio no Diario Oficial de Galicia e no BOP-, durante este período poderá ser examinado o expediente e deducirse as alegacións pertinentes.
O dito acordo de aprobación inicial -conforme establece o artigo 34.2º da mesma lei- determina por si só, a resolución do procedemento de outorgamento de licencias na zona obxecto de planeamento, das que as novas determinacións supoñen modificación do réxime urbanístico vixente; a área afectada por esa suspensión é a seguinte:
As parcelas nº 12 e nº 1 do polígono 82307 do plano do catastro de urbana do concello de Arzúa, e nº 172 do polígono 17 do catastro de rústica do devandito concello, todas elas de titularidade municipal.
O primeiro dos predios, é dicir, o nº 12, está situado dentro da clasificación de solo urbano, e élle de aplicación a ordenanza de edificación cerrada EC.
Os dous últimos predios, é dicir, o nº 01 e o nº 172, están situados dentro da clasificación de solo non urbanizable común, e élle de aplicación a ordenanza SNU/N, solo non urbanizable normal.
Esta suspensión terá unha duración máxima dun ano e extinguirase, en todo caso, coa aprobación definitiva desta modificación das normas subsidiarias.
En Arzúa, 13 de marzo de 2002.
Pilar Formoso Cotón
Alcaldesa accidental