En cumprimento do disposto no artigo 13.5º do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG o acordo adoptado polo Consello da Xunta de Galicia na súa reunión do 22 de febreiro de 2002, do que a parte dispositiva é o seguinte texto literal:
«1º Aprobar definitivamente o proxecto sectorial de incidencia supramunicipal denominado parque eólico Tea.
2º De conformidade co contido do acordo do Consello da Xunta de Galicia do 1 de outubro de 1997, polo que se aproba o Plan Eólico de Galicia como proxecto sectorial de incidencia supramunicipal, o planeamento dos concellos de Covelo (Pontevedra), Avión, Melón e Carballeda de Avia (Ourense) queda vinculado ás determinacións contidas no proxecto sectorial que se aproba».
Santiago de Compostela, 4 de marzo de 2002.
Ramón Ordás Badía
Director xeral de Industria, Enerxía e Minas