Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Hidroeléctrica de Laracha, S.L.

Domicilio social: Nicaragua, 10-3º esq., A Coruña.

Denominación: centro de manobra e C.T. Fieital.

Situación: A Laracha.

Descricións técnicas: centro de seccionamento e de enlace aeroxerador e trafo de 25 kVA a 15.000-20.000±2,5-5%/420 V denominado Fieital e L.M.T.S. que enlazará este centro coa L.M.T.A. a C.T.A. Fieital que se suprime, de 76 m de lonxitude en conductor R.H.V. de 95 mm Al. Concello da Laracha.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 11 de febreiro de 2002.

Jesús Espada Martínez

Delegado provincial da Coruña