O ente público Portos de Galicia, en cumprimento do disposto na Lei 27/1992, do 24 de novembro, de portos do Estado e da mariña mercante, modificada pola Lei 62/1997, do 26 de decembro, elaborou o plan de utilización dos espacios portuarios do porto de Sada.
Este documento sométese a información pública, para que as persoas ou entidades interesadas poidan presentar por escrito as reclamacións ou alegacións que consideren oportunas, para o que disporán dun prazo dun mes contado a partir do día seguinte ó de publicación deste anuncio.
As devanditas reclamacións poderán presentalas nas oficinas centrais deste ente público, situadas na praza de Europa, 5 A, 6º, polígono das Fontiñas, 15707 Santiago de Compostela, ou ben nas oficinas de Portos de Galicia, zona centro, r/ Alférez Provisional, 1, 1º, 15006 A Coruña. En ámbalos dous enderezos poderán examina-los documentos correspondentes.
Santiago de Compostela, 13 de marzo de 2002.
Manuel García Blanco
Xefe da Área de Planificación e Explotación
de ente público Portos de Galicia