Intentada inutilmente a notificación domiciliaria das resolucións correspontes ás reclamacións económico-administrativa nº 1848-C 01/2 interposta por Carmelo Salazar Hernández (domicilio notificacións: praza Duque de Medinaceli, 1-2º-2º, 08002 Barcelona) e nº 2058-P 01/7 interposta por José Antonio Rodríguez Fernández (domicilio notificacións: rúa Eugenio Kraff, 52-1º, Vigo), procédese á súa publicación de acordo co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e dos artigos 83 e 86 do Real decreto 391/1996, do 1 de marzo, polo que se aproba o Regulamento de procedemento nas reclamacións económico administrativas.

De acordo co artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase que en reunión do 25 de outubro de 2001, o Tribunal Económico Administrativo da Comunidade Autónoma de Galicia declarou inadmisible por extemporánea a reclamación nº 1848-C 01/2 interposta por Carmelo Salazar Hernández; e en reunión do 26 de decembro de 2001, o Tribunal Económico Administrativo da Comunidade Autónoma de Galicia desestimou a reclamación nº 2058-P 01/7 interposta por José Antonio Rodríguez Fernández. Estas resolucións estarán ó dispor dos interesados nas dependencias da secretaría deste tribunal situadas na Consellería de Economía e Facenda (1º andar, Dirección Xeral de Tributos).

Estas resolucións esgotan a vía económico administrativa; contra elas os interesados poderán interpor recurso ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó desta publicación.

Santiago de Compostela, 20 de febreiro de 2002.

Susana Benedeti Corzo

Secretaria do Tribunal Económico Administrativo da Comunidade Autónoma de Galicia

CONSELLERÍA DE FAMILIA E PROMOCIÓN DO EMPREGO,

MULLER E XUVENTUDE