Visto o expediente da revisión salarial do convenio colectivo da empresa Moyresa Molturación y Refino, S.A. para o ano 2001, que tivo entrada nesta delegación provincial o día 28-1-2002, subscrito en representación da parte económica pola empresa Moyresa Molturación y Refino, S.A., e da parte social polo comité de empresa o día 25-1-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 31 de xaneiro de 2002.

P.S. (Decreto 161/2000, do 29 de xuño)

Ana Lado Eiriz

Secretaria provincial da Coruña

Convenio colectivo. Revisión final IPC real

ano 2001

-Parte social:

Juan Jesús Montes Villares.

Jaime Mantiñán Méndez.

José Luis García López.

Manuel Outes Garaloces.

Alfredo Pereiro Pereiro.

-Parte empresarial:

Ramón Pitarque Gorospe.

Antonio Iglesias García.

Manuel del Fraile Pascual.

Jaime del Río Mosquera.

No Burgo-Culleredo (A Coruña), 25 de xaneiro de 2002.

Reunidos os representantes sociais e empresariais sinalados á marxe, co obxecto de practica-la revisión salarial definitiva convida para o primeiro ano de vixencia do convenio colectivo de Moyresa Molturación y Refino, S.A., no seu centro de traballo do Burgo-Culleredo (A Coruña), conforme o acordo adoptado para o período do 1 de xaneiro de 2001 ó 31 de decembro de 2002.

De conformidade co sinalado no artigo 25 do convenio colectivo de Moyresa Molturación y Refino, S.A. no seu centro de traballo do Burgo-Culleredo, unha vez coñecido o dato real do IPC resultante o 31 de decembro de 2001, que para ese ano quedou establecido no dous coma sete por cento (2,7%), procede realiza-la revisión final definitiva das táboas salariais do ano 2001 como consecuencia do acordo adoptado para o período do 1 de xaneiro de 2001 ó 31 de decembro de 2002.

En tal sentido, practicouse a revisión das táboas salariais de aplicación definitiva para o ano 2001, primeiro de vixencia do convenio, tendo en conta o IPC real do 2,7% resultante o 31 de decembro de 2001, máis medio punto por riba.

Estas táboas salariais, os complementos anuais, outras compensacións económicas e o valor das horas extraordinarias reflíctense nos anexos 1, 2 e 3 do convenio de Moyresa no Burgo-Culleredo.

Revisado por ámbalas partes o contido das táboas salariais, os complementos anuais, outras compensacións económicas e o valor das horas extraordinarias que se citan, estando conformes, ámbalas partes dánlle-la súa aprobación e, en proba diso, asinan en unión esta acta, no Burgo-Culleredo o 25 de xaneiro de 2002.

ANEXO 1

Táboa salarial-revisión final ano 2001

ANEXO 2

Táboa de complementos anuais-revisión final ano 2001

Outras compensacións económicas

de convenio-revisión final ano 2001

ANEXO 3

Valor horas extraordinarias-revisión final ano 2001

CONSELLERÍA DE FAMILIA E PROMOCIÓN DO EMPREGO,

MULLER E XUVENTUDE