Por Decreto de Alcaldía con data do 5-3-2002, aprobouse o prego tipo de cláusulas administrativas particulares para a contratación, mediante concurso con procedemento aberto por tramitación urxente, de subministración de sinais para o Concello de Carballo o cal se expón ó público por prazo de oito días contados a partir do seguinte ó da inserción do último anuncio no DOG, no BOP, ou prensa para que poidan presentarse reclamacións.
Simultaneamente anúnciase concurso público, se ben a licitación se aprazará, cando resulte necesario, no suposto de que se formulen reclamacións contra o prego de condicións.
Prazo da subministración: 2 meses.
Importe licitación: 72.407,85 A (IVE incluído).
Fianza definitiva: 4% do prezo de adxudicación.
Apertura de plicas: a apertura de plicas terá lugar na casa do concello, ás 12 horas do terceiro día hábil seguinte a aquel en que remate o prazo de presentación de propostas. No caso de resultar sábado, entenderase prorrogado ó día hábil inmediato seguinte.
Proposicións:
Lugar e prazo de presentación: presentarase no rexistro xeral da corporación en horario de 9 a 13 horas, dentro do prazo de trece (13) días, contados desde o día seguinte ó da publicación do último anuncio de concurso no DOG ou BOP.
Documentación: presentarase en 2 sobres pechados conforme se indica no prego de condicións que se encontra exposto na secretaría do concello.
Tódolos anuncios serán por conta do adxudicatario.
Carballo, 7 de marzo de 2002.
Manuel Varela Rey
Alcalde