A Comunidade Autónoma de Galicia, ten a titularidade do predio onde está situado o centro público de educación secundaria, no lugar coñecido como As Ferreiras, no termo municipal de Silleda (Pontevedra).

O Concello de Silleda solicitou, a través da Consellería de Educación e Ordenación Universitaria da Consellería de Economía e Facenda a cesión do centro de transformación de enerxía eléctrica que está dentro dos terreos onde está o centro de ensino secundario, pola necesidade de subministración para a iluminación de toda a zona de influencia do dito centro.

Mediante Decreto 235/1999, do 23 de xullo (DOG nº 151, do 6 de agosto), desafectouse do dominio público a antedita parcela que forma parte do dito predio, logo do informe favorable da Consellería de Educación e Ordenación Universitaria.

Co obxecto de posibilita-la cesión da dita parcela, requírese a previa declaración de alienabilidade, segundo o disposto nos artigos 24 da Lei 3/1985, do 12 de abril, do patrimonio da Comunidade Autónoma de Galicia e 60 do Decreto 50/1989, do 9 de marzo, polo que se aproba o regulamento para a execución da antedita lei.

En virtude do anteriormente exposto, por proposta da Secretaría Xeral e do Patrimonio,

DISPOÑO:

Artigo único.-Declárase a alienabilidade da parcela situada no lugar das Ferreiras, no termo muni

cipal de Silleda, de aproximadamente 146 m, que se segregará do predio matriz, que linda ó norte, coa propiedade estremeira nuns 16 metros aproximadamente; ó sur, predio matriz nuns 9 metros aprox.; ó leste, predio matriz nuns 9 metros aprox.; ó oeste, coa rúa de acceso ó centro escolar nuns 14 metros, por onde ten a entrada, e o predio matriz.

Dentro desta parcela atópase un centro de transformación de enerxía eléctrica coas seguintes características:

-Transformador de 250 KW-15/20 kV homologado

-Cela de líña CML-SF6

-Cela de protección CML-SF6

-Cela de medida CBC-SF6

O predio matriz está inscrito no Rexistro da Propiedade de Lalín, no tomo 725, libro 207, folio 62, inscrición 4ª, do predio rexistral 35.910.

Santiago de Compostela, 6 de marzo de 2002.

P.D. (Orde do 13-12-1993)

Emilio Álvarez Rey

Secretario xeral e do Patrimonio da Consellería

de Economía e Facenda

CONSELLERÍA DE POLÍTICA TERRITORIAL, OBRAS PÚBLICAS

E VIVENDA