Vacante na Universidade de Santiago de Compostela o posto de traballo que se indica no anexo a esta resolución e sendo necesaria a súa provisión con carácter urxente.
Este rectorado, en uso das atribucións que ten conferidas e de conformidade co previsto no artigo 23 do III convenio colectivo para persoal laboral das universidades públicas de Galicia, resolve anuncia-la convocatoria pública, mediante libre designación, do antedito posto, con suxeición ás seguintes bases da convocatoria.
1. Requisitos dos candidatos: poderá concursa-lo persoal laboral fixo que reúna os requisitos que se esixen e se especifican no anexo.
2. Solicitudes.
2.1. As solicitudes dirixiranse ó rector da Universidade de Santiago de Compostela, sendo o prazo de presentación de 15 días hábiles contados a partir do día seguinte ó da publicación desta convocatoria no Diario Oficial de Galicia.
2.2. A presentación de solicitudes poderá facerse no rexistro xeral da Universidade de Santiago de Compostela, (sito no Colexio de San Xerome, praza do Obradoiro, s/n), no Rexistro do Campus de Lugo, (sito no edificio servicios administrativos e Biblioteca Intercentros, avda. Bernardino Pardo Ouro, s/n, polígono de Fingoi), ou na forma prevista no artigo 38 da Lei de réxime xurídico das administracións públicas e do procedemento administrativo común.
2.3. Os erros de feito poderán enmendarse en calquera momento de oficio ou a petición do interesado.
3. Méritos. Os aspirantes deberán xuntarlle á petición un currículum vitae, e xustificar debidamente os méritos que aleguen.
4. Norma derradeira. Contra a presente resolución, que esgota a vía administrativa, poderá interpoñer recurso contencioso-administrativo perante o Xulgado do Contencioso-Administrativo da Coruña no prazo de dous meses contados desde o día seguinte á súa recepción, de conformidade cos artigos 46 e 8.2º a) da Lei da xurisdicción contencioso administrativa, aprobada por Lei 29/1998, do 13 de xullo.
Non obstante, os interesados poderán interpoñer recurso potestativo de reposición no prazo dun mes perante o órgano que o dictou. Neste caso non se poderá interpoñe-lo recurso contencioso-administrativo anteriormente indicado mentres non recaia reso
lución expresa ou presunta do recurso administrativo de reposición, ó abeiro dos artigos 116 e ss. da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 26 de febreiro de 2002.
Darío Villanueva Prieto
Rector da Universidade de Santiago de Compostela
ANEXO
Denominación do posto: director/a da Escola Infantil Breogán.
Grupo: II.
Localidade: Santiago de Compostela.
Plus: I.
Requisitos: mestre/a de educación infantil.
XULGADO DE PRIMEIRA INSTANCIA E INSTRUCCIÓN NÚMERO DOUS
DE CARBALLO