A Comisión de Goberno, en sesión do 15 de febreiro de 2002, adoptou o seguinte acordo:
1. Aproba-lo proxecto de compensación do APE F9.02 avda. de Arteixo de xaneiro de 2002, presentado por Inmobiliaria Urbis, S.A. coas seguintes condicións:
a) Deberase incluír entre as cargas financeiras das parcelas de uso privado o pagamento do valor do aproveitamento correspondente ó 10% municipal.
b) As parcelas resultantes de titularidade privada están suxeitas á limitación prevista no artigo 11.1º b) da Lei do solo de Galicia.
2. Requírese a Inmobiliaria Urbis, S.A. para que no prazo de 15 días presente texto refundido ante
esta Administración no que se recollan as modificacións expostas.
3. Allear a favor de Inmobiliaria Urbis, S.A. o 10% da cesión obrigatoria a esta Administración polo prezo de douscentos cinco millóns mil cincocentas trinta (205.001.530) pesetas máis o IVE, trinta e dous millóns oitocentas mil duascentas corenta e cinco (32.800.245) pesetas, o que fai un total de douscentos trinta e sete millóns oitocentas unha mil setecentas setenta e cinco (237.801.775) pesetas (1.429.217,45 euros). Para realizar este ingreso dispón dun prazo dun mes. O pagamento do dito prezo actuará como condición de eficacia da aprobación do presente proxecto.
4. Acepta-la cesión das parcelas de titularidade pública, identificadas como 3, 4 e 5 e incluílas no Inventario Municipal de Bens.
O que se publica para xeral coñecemento, indicando que contra este acordo cabe interpoñer recurso contencioso-administrativo ante a Sala do Conten
cioso-Administrativo do Tribunal Superior de Xustiza de Galicia no prazo de dous meses contado desde o día seguinte ó da súa publicación. Non obstante, pode interpoñerse recurso potestativo de reposición ante a Comisión de Goberno prazo dun mes e contra a súa desestimación poderá interpoñerse recurso contencioso-administrativo ante o TSXG no prazo de dous meses, se a resolución fora expresa, e noutro caso no de seis meses contado a partir da desestimación presunta do recurso de reposición, isto é, a partir do mes de telo interposto.
Publícase, así mesmo, para os efectos previstos no artigo 8 do Real decreto 1093/1997, do 4 de xullo, polo que se aproban as normas complementarias ó regulamento para a execución da Lei hipotecaria sobre inscrición no Rexistro da Propiedade de actos de natureza urbanística, en relación co artigo 102 da Lei 1/1997, do 24 de marzo, do solo de Galicia, advertindo os interesados de que o expediente se encontra á súa disposición nas oficinas de xestión do Servicio de Urbanismo, sitas na avda. da Mariña 18, entre as 12 e as 13.30 horas, de luns a venres durante o prazo de 20 días a partir da publicación do acordo que se cita, onde poderán consultalo e presentar cantas alegacións teñan por conveniente na defensa dos seus dereitos.
A Coruña, 26 de febreiro de 2002.
P.D.
Salvador Fernández Moreda
Concelleiro delegado de Urbanismo