Polo Decreto 274/1991, do 30 de xullo (DOG do 13 de agosto), creouse a Escola Universitaria de Graduado Social do Campus de Vigo como centro adscrito á Universidade de Vigo, por transformación do Seminario de Estudios Sociais de Vigo, e autorizouse a implantación dos estudios conducentes á obtención do título de diplomado en graduado social.
Posteriormente, polo Decreto 216/1999, do 15 de xullo (DOG do 26 de xullo), autorizouse o cambio de denominación da Escola Universitaria de Graduado Social do Campus de Vigo (adscrita), polo de Escola Universitaria de Relacións Laborais, albergando os estudios xa autorizados e ratificados polo Decreto 247/1992, do 30 de xullo (DOG do 17 de agosto), conducentes ó título de diplomado en relacións laborais.
Pola súa banda, o Decreto 192/1993, de 29 de xullo (DOG do 17 de agosto) autorizou a implantación da licenciatura en dereito no Campus de Vigo como sección delegada da Facultade de Dereito do Campus de Ourense, creada polo Decreto 416/1990, do 31 de xullo (DOG do 10 de agosto).
Con este decreto créase a Facultade de Ciencias Xurídicas e do Traballo no Campus de Vigo, solicitada por esa universidade, ó tempo que se integran nela as titulacións de licenciatura en dereito e de diplomatura en relacións laborais, unha vez que ten cumpridos tódolos requisitos previos ó acto formal da autorización por parte da Xunta de Galicia.
De conformidade coa Lei orgánica 6/2001, do 21 de decembro, de Universidades, a Lei 11/1989, do 20 de xullo, de ordenación do sistema universitario de Galicia, a Lei 5/1987, do 27 de maio, do Consello Social da Universidade e do Consello Universitario
de Galicia, o Real decreto 557/1991, do 12 de abril, sobre creación e recoñecemento de universidades e centros universitarios, e co Decreto 259/1994, do 29 de xullo, polo que se establece o procedemento para creación e recoñecemento de universidades, centros universitarios e autorización de estudios na Comunidade Autónoma de Galicia; en virtude das atribucións conferidas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro; a instancia do Consello Social da Universidade de Vigo, vistos os informes do Consello Universitario de Galicia, por proposta do conselleiro de Educación e Ordenación Universitaria e logo de deliberación do Consello da Xunta de Galicia na súa reunión do día vinteoito de febreiro de dous mil dous,
DISPOÑO:
Artigo 1º
1. Créase a Facultade de Ciencias Xurídicas e do Traballo no Campus de Vigo da Universidade de Vigo.
2. Esta facultade créase pola transformación da Sección Delegada da Facultade de Dereito e a integración da titulación de relacións laborais, co que se suprime a Escola Universitaria de Relacións Laborais.
3. Nesta facultade impartiranse os estudios conducentes á licenciatura en dereito e á diplomatura en relacións laborais.
Artigo 2º
No momento da integración, o profesorado da actual Escola Universitaria de Relacións Laborais, que se recolle no anexo I, pasará a prestar servicios na Universidade de Vigo nas categorías legais que proceda e integrarase nos correspondentes departamentos universitarios, sen prexuízo, se é o caso, do cumprimento do establecido na normativa de incompatibilidades.
Disposicións derradeiras
Primeira.-A Universidade de Vigo, de acordo cos principios e coas normas de autonomía universitaria e respectando a lexislación vixente, adoptará as disposicións necesarias para o cumprimento deste decreto.
Segunda.-Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vinteoito de febreiro de dosu mil dous.
Manuel Fraga Iribarne
Presidente
Celso Currás Fernández
Conselleiro de Educación e Ordenación Universitaria
ANEXO
Persoal docente.
DNI Apelidos e nome Área de coñecemento Dedicación
45068406-K Adellac Pascual, Carmen Dereito do traballo e S.S. T. parcial
35974501-V Bouso Cedrón, Pedro Economía aplicada T. completo
36094634-K Domínguez Rubira, Mª Carmen Psicoloxía social T. parcial
02167030-Q Gamero López-Peláez, F. Javier Dereito do traballo e S.S. T. parcial
36025303-N García Rodríguez, Fátima Socioloxía T. completo
36075694-X Garza Castro, Ramón Organización de empresas T. parcial
36043596-C Mariño de Andrés, Ángel Dereito civil T. completo
36029883-S Meijide Rico, Belén Filoloxía inglesa T. parcial
36089803-C Orge Míguez, José Carlos Economía financeira E.C. T. completo
77253460-W Prat Viñas, María Teresa Psicoloxía social T. parcial
36113338-A Ripoll Delebourse, Virginia Filoloxía francesa T. parcial
33794618-M Seoane Prieto, Mª Ángeles Dereito do traballo e S.S. T. parcial
33238202-M Trigo Gómez, Pilar Estatística e I.O. T. completo
Persoal non docente.
DNI Apelidos e nome Categoría profesional Grupo
35975511-S Longa Martínez, Mª Isabel Directora biblioteca II
36070096-R Otero Lamas, Carmen Rosa Xefa de negociado III
36029175-C Prieto Tobio, Joaquín Subxefe de negociado IV
36111670-Z Viña Martínez, Susana Oficial de primeira IV
36076546-B González Pablos, Alfonso Oficial de segunda IV
36074149-Y Rodríguez Feijoo, Mª Amadora Auxiliar administrativa IV
36134584-C Estévez Orge, Marcos Auxiliar de biblioteca IV
36109298-B Vázquez Escudero, A. José Ordenanza V