Anuncio de concurso, con procedemento aberto, para a contratación da subministración de pa retroescavadora e rozadora:
1. Entidade adxudicadora: Concello de Touro.
2. Obxecto do contrato: adquisición dunha pa retroescavadora e rozadora.
3. Prazo de entrega: un mes desde a sinatura do contrato correspondente.
4. Tramitación: urxente.
-Procedemento: aberto.
-Forma de adxudicación: concurso.
-Prego-tipo de cláusulas administrativas particulares aprobado pola Deputación Provincial da Coruña con data do 30 de marzo de 2001 (BOP nº 78, do 4 de abril de 2001).
5. Orzamento de licitación: 81.136,63 (oitenta e un mil cento trinta e seis euros e sesenta e tres céntimos).
6. Garantía:
-Provisional: 2 por cento do prezo de licitación.
-Definitiva: 4 por cento do prezo de adxudicación.
7. Documentación e información: secretaría do concello.
8. Clasificación do contratista: non se esixe.
9. Presentación de ofertas:
a) Data límite: ás 14 horas do último día do prazo de 13 días naturais, contados desde o día seguinte ó da última publicación deste anuncio no BOP, no Diario Oficial de Galicia ou no xornal El Correo Gallego.
b) Documentación: a documentación presentarase en 2 sobres cerrados titulados:
Sobre A: subtitulado Documentación.
Sobre B: subtitulado Oferta económica e referencias técnicas. Conterá a proposición económica axustada ó modelo que figura no anexo III do prego-tipo de cláusulas administrativas particulares.
c) Lugar de presentación: oficinas municipais na Casa do Concello de Touro.
10. Apertura de ofertas:
a) Lugar: Casa do Concello de Touro.
b) Data: 12 horas do segundo día seguinte hábil (excepto sábados) ó de finalización do prazo de presentación de proposicións.
Touro, 13 de febreiro de 2002.
Ignacio Codesido Barreiro
Alcalde