O alcalde-presidente deste concello, con data do 11 de febreiro de 2002, acordou aproba-los trámites oportunos para a adxudicación, mediante concurso con procedemento aberto, dos traballos de redacción do Plan Xeral de Ordenación Municipal de Rábade. Para tal efecto, aprobou o correspondente prego de
cláusulas administrativas particulares, así como o prego de prescricións técnicas que se expoñen ó público polo prazo de oito días para exame e reclamacións, e simultaneamente anúnciase o correspondente concurso público:
1. Entidade adxudicadora:
Concello de Rábade, r/ Lope de Vega, s/n, 27370 Rábade. Teléfono: 982 39 00 62, fax: 982 39 04 11.
2. Obxecto do contrato:
Consultoría e asistencia técnica: redacción do Plan Xeral de Ordenación Municipal de Rábade.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma de adxudicación: concurso.
4. Tipo de licitación:
O tipo de licitación é de 48.147,94 euros, IVE incluído.
5. Garantías:
a) Garantía provisional: 2% do orzamento.
b) Garantía definitiva: 4% do importe de adxudicación.
6. Obtención de documentación e información:
Os licitadores poderán examina-lo expediente na Secretaría Xeral do Concello de Rábade, das 9 ás 14 horas de luns a venres, ata o día anterior ó do remate do prazo de presentación das proposicións.
7. Presentación de ofertas:
a) Data límite: prazo de 15 días naturais, que comezará a contar a partir do día seguinte a aquel en que teña lugar a última publicación dos devanditos anuncios, das 9 ás 14 horas.
b) Lugar: Concello de Rábade, r/ Lope de Vega, s/n. Teléfono: 982 39 00 62 e fax: 982 39 04 11.
c) Documentación: a esixida no prego de condicións.
8. Apertura de ofertas:
A apertura das ofertas económicas terá lugar na Casa do Concello de Rábade, ás doce horas do quinto día hábil seguinte ó da finalización do prazo de presentación de ofertas.
9. Gastos de anuncios: por conta do adxudicatario.
Rábade, 13 de febreiro de 2002.
Francisco-Xosé Fernández Montes
Alcalde