En cumprimento do disposto nos artigos 78 e 180 do Decreto lexislativo 2/2000, do 16 de xuño, que aproba o texto refundido da Lei de contratos das administracións públicas, e conforme o modelo establecido polo Real decreto 390/1996, do 1 de marzo, de desenvolvemento parcial da dita lei, publicado no Boletín Oficial del Estado nº 70, do 21 de marzo, publícase o seguinte anuncio de licitación para a contratación da subministración e instalación de mesas e armarios e cadeiras para os despachos dos deputados e deputadas do Parlamento de Galicia.
1. Entidade adxudicadora.
a) Organismo: Parlamento de Galicia.
b) Dependencia que tramita o expediente: Oficialía Maior.
c) Número de expediente: 4/2002.
2. Obxecto do contrato.
a) Descrición do obxecto: contratación da subministración e instalación de mesas e armarios e cadeiras para os despachos dos deputados e deputadas do Parlamento de Galicia.
b) División por lotes e número: dous lotes: lote nº 1 e lote nº 2.
c) Lugar de execución: Parlamento de Galicia.
d) Prazo da subministración: quince días a partir do outorgamento do contrato.
3. Tramitación, procedemento e forma de adxudicación.
a) Tramitación: urxente
b) Procedemento: aberto.
c) Forma: concurso.
4. Orzamento base de licitación:
Lote nº 1: 263.400,81 euros.
Lote nº 2: 255.690,67 euros.
Total lotes 1 e 2: 519.091,48 euros.
5. Garantías.
Provisional: o 2% do orzamento de licitación (10.381,829 euros).
Definitiva: o 4% do orzamento do contrato.
6. Obtención de documentación e información.
a) Entidade: Parlamento de Galicia (BOPG nº 43, do 4 de febreiro de 2002).
b) Domicilio: r/ Hórreo, 63.
c) Localidade e código postal: Santiago de Compostela 15702.
d) Teléfono: 981 55 13 00.
e) Telefax: 981 55 14 09.
f) Data límite de obtención de documentos e información: ata tres días antes da data de presentación.
7. Requisitos específicos do contratista.
Poderán presentarse a este concurso e formula-las conseguintes proposicións, con suxeición ás cláusulas deste prego e ó de condicións técnicas, as persoas naturais ou xurídicas, españolas ou estranxeiras, que, tendo plena capacidade de obrar, non estean comprendidas nalgunha das circunstancias enumeradas no artigo 20 do Decreto lexislativo 2/2000, do 16 de xuño, que aproba o texto refundido da Lei de contratos das administracións públicas, e tamén no artigo 23 cando se trate de empresas estranxeiras non comunitarias.
8. Presentación de ofertas ou de solicitudes de participación.
a) Data límite de presentación: durante os catorce días naturais seguintes á publicación do anuncio de licitación no Diario Oficial de Galicia.
b) Documentación que hai que presentar: a citada nos pregos de cláusulas administrativas particulares (BOPG nº 43, do 4 de febreiro de 2002).
c) Lugar de presentación: rexistro do Parlamento de Galicia.
1ª Entidade: Parlamento de Galicia.
2ª Domicilio: r/ Hórreo, 63.
3ª Localidade e código postal: Santiago de Compostela 15702.
d) Prazo durante o cal o licitador estará obrigado a mante-la garantía de mantemento: tres anos naturais e as reparacións faranse in situ cunha resposta inferior ás corenta e oito horas.
e) Admisión de variantes (concurso): admítense melloras e alternativas.
9. Apertura das ofertas.
a) Entidade: Parlamento de Galicia.
b) Domicilio: r/ Hórreo, 63.
c) Localidade: Santiago de Compostela.
d) Data: ós oito días hábiles seguintes ó do remate de presentación de proposicións.
e) Hora: 12 horas.
10. Outras informacións: nos pregos de cláusulas administrativas e de prescricións técnicas depositados no rexistro xeral do Parlamento e publicados no BOPG nº 43, do 4 de febreiro de 2002.
11. Gastos de anuncios: serán por conta do adxudicatario.
Santiago de Compostela, 6 de febreiro de 2002.
José María García Leira
Presidente do Parlamento de Galicia