A Comisión de Goberno, en sesión do 15 de febreiro de 2002, adoptou entre outros o seguinte acordo:

1. Aproba-lo proxecto de compensación do polígono 2 do APE F8.01 Ronda de Outeiro-Isaac Peral presentado por Ventorrillo Coruña, S.A. o 28 de xaneiro de 2002, facendo constar, en canto á descrición da parcela B, o límite do uso residencial establecido no artigo 11.1º b) da L.S.G., condicionado ó ingreso das cantidades que se requiren nos puntos 2 e 3 e a presentación do aval.

2. Allear a Ventorrillo Coruña, S.A. o 10% do aproveitamento municipal e requirir para que no prazo de 15 días presente aval suficiente que garanta o pagamento do prezo do alleamento do 10% municipal, que se valora en cento tres millóns quiñentas vinteoito mil oitocentas trinta e dúas (103.528.832) pesetas; seiscentos vintedous mil douscentos vinte euros con oitenta e un céntimos (622.220,81 euros) incrementando no 20% para facer fronte os xuros, se é o caso, que ascende a vinte millóns setecentas cinco mil setecentas sesenta e seis (20.705.766) pesetas; centro vintecatro mil catrocentos cuarenta e catro euros con dezaseis céntimos (124.444,16 euros) e ingrese na caixa municipal o IVE correspondente ó alleamento, que ascende a dezaseis millóns quiñentas sesenta e catro mil seiscentas trece (16.564.613) pesetas; noventa e nove mil quiñentos cincuenta e cinco euros con trinta e tres céntimos (99.555,33 euros).

3. Allea-lo subsolo da parcela obxecto de cesión de uso público para aparcamento privado polo prezo de trinta e seis millóns seiscentas oitenta e dúas mil catrocentas oitenta e tres (36.682.483) pesetas; douscentos vinte mil catrocentos sesenta e seis euros con dezaseis céntimos (220.466, 16 euros) ó que se engadirá cinco millóns oitocentas sesenta e nove mil cento noventa e sete (5.869.197) pesetas; trinta e cinco mil douscentos setenta e catro con cincuenta e oito céntimos (35.274,58 euros) do 16% de IVE, do que resulta un prezo de corenta e dous millóns quiñentas cincuenta e unha mil seiscentas oitenta (42.551.680) pesetas; douscentos cincuenta e cinco mil setecentos corenta euros con sete céntimos (255.740,7 euros), cantidades que deberán ser ingresadas na caixa municipal no prazo de 15 días contados desde a notificación deste anuncio.

4. Acepta-la cesión das parcelas C e D o uso público, a C como espacio libre e a D, como vía peonil, tal e como se describen no proxecto de compensación, e incluílas no Inventario Municipal de Bens.

O que se publica para xeral coñecemento, indicando que contra este acordo cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte á súa publicación. Non obstante, pode interpoñerse recurso potestativo de reposición ante a Comisión de Goberno no prazo dun mes e contra a súa desestimación poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses, se a resolución fora expresa, e noutro caso no de seis meses contados desde a desestimación presunta do recurso de reposición, isto é, a partir do mes de telo interposto.

Publícase, así mesmo, para os efectos previstos no artigo 8 do Real decreto 1093/1997, do 4 de xullo, polo que se aproban as normas complementarias ó Regulamento para a execución da Lei hipotecaria sobre inscrición no Rexistro da Propiedade de Actos de Natureza Urbanística, en relación co artigo 102 da Lei 1/1997, do 24 de marzo, do solo de Galicia, advertindo os interesados de que o expediente se encontra á súa disposición nas oficinas de Xestión do Servicio de Urbanismo, sitas na avda. da Mariña 18, entre as 12 e as 13.30 horas, de luns a venres, durante o prazo de 20 días a partir da publicación do acordo que se cita, onde poderán consultalo e presentar cantas alegacións teñan por conveniente na defensa dos seus dereitos.

A Coruña, 20 de febreiro de 2002.

O alcalde

P.D.

Salvador Fernández Moreda