A Comisión de Goberno, en sesión do 11 de febreiro de 2002, prestou aprobación, con carácter inicial, ó proxecto de urbanización parcial da rúa Pedro Sarmiento de Gamboa e zona verde lindante coa rúa Ponte Bolera, composto dun proxecto visado pola Delegación en Pontevedra do Colexio Oficial de Arquitectos de Galicia (COAG) con data do 12-6-2001, e planos números 2.1, 2.2 e 10, con data de visado colexial do 17-10-2001, anulando e substituíndo os seus correlativos anteriormente presentados, documentación toda ela redactada polos arquitectos Ignacio e José A. Hermo Túñez; o seu sometemento disponse a información pública.

Durante o prazo dun mes, contado a partir da inserción deste anuncio no Diario Oficial de Galicia, calquera interesado poderá examina-lo expediente no Servicio Municipal de Urbanismo, Medio Ambiente e Patrimonio Histórico (rúa Churruchaos, nº 2), e formula-las alegacións e xustificacións que considere procedentes.

Pontevedra, 14 de febreiro de 2002.

Julio Dapena Outomuro

Secretario xeral

P.D.

Xosé Cesáreo Mosquera Lorenzo

Tenente de alcalde delegado da Área

de Urbanismo e Medio Ambiente