De conformidade co disposto no artigo 59.4º da Lei de réxime xurídico das administracións públicas e do procedemento administrativo común, do 26 de novembro de 1992 (BOE do 27 de novembro), notifícaselles ás persoas mencionadas a seguir (que non puideron ser notificadas no último domicilio coñecido que así mesmo se indica), a resolución do expediente sancionador nº 36/19/01, por infracción en materia de defensa do consumidor.
Contra a dita resolución, que non porá fin á vía administrativa, pódese interpoñer recurso de alzada perante o presidente do Instituto Galego de Consumo no prazo dun mes, contado a partir do día seguinte ó da recepción desta notificación, de conformidade co disposto nos artigos 107, 114 e 115 da Lei de réxime xurídico das administracións públicas e do procedemento administrativo común.
Expediente: 36/19/01.
Inculpado: A.B. Técnicos Asociados, S.L.
Enderezo: Paseo de Colón, 3, 36002 Pontevedra.
Motivos: irregularidades na prestación a domicilio de servicios de mantemento, reparación e reforma.
Data do acordo de incoacción: 13-8-2001.
Data da proposta de resolución: 19-9-2001.
Alegacións á proposta: presenta escrito no seu descargo na data 16 de outubro de 2001.
Preceptos infrixidos: artigos 4, 5.1º e 8 do Decreto 139/1999, do 7 de maio, polo que se regula a actividade de prestación a domicilio de servicios de mantemento, reparación e reforma.
Preceptos sancionadores: artigos 3.1º.5., 3.3º.4 e 3.3º.6 do Real decreto 1945/1983, polo que se regulan as infraccións e sancións en materia de defensa do consumidor e da producción agroalimentaria.
Sanción: 300,51 euros.
Pontevedra, 23 de xaneiro de 2002.
Carmen Bianchi Valcarce
Delegada provincial de Pontevedra