Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, A Coruña.
Denominación: subestación Eume 132/15 kV.
Situación: A Capela.
Descricións técnicas: ampliación e reforma da subestación eléctrica 11/132 kV e 11/15 kV da central hidráulica do Eume, consistente en:
No parque de 132 kV: instalación dunha nova posición de liña de 132 kV, denominada Mourela, equipada e reformada cun transformador de potencia de 15 MVA a 132/15 kV; interruptor tripolar en SF6, 6 trafos de intensidade, 7 trafos de tensión, 12 autoválvulas de 132 kV, 2 seccionadores de 2.000 A con c.p.t. e 4 seccionadores con mando eléctrico.
No parque de 15 kV: cela para protección do transformador principal; 8 celas de saída de liñas; cela de protección transformador de servicios auxiliares; transformador de servicios auxiliares de 160 kV e tensións de 15/0,380-0,220 kV.
Sistemas de telemando, telemedida, sinalización e control.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 7 de xaneiro de 2002.
Jesús Espada Martínez
Delegado provincial da Coruña