Rematado o proceso de selección para o nomeamento do recadador de zona de Ourense, e vista a proposta elevada pola comisión de selección prevista no artigo 5 da Orde do 27 de setembro de 2001 (DOG nº 200, do 16 de outubro), procede, de conformidade co disposto nos artigos 4 e 13 do Decreto 51/2000, do 25 de febreiro, polo que se establece a organización recadadora da Xunta de Galicia e o Estatuto dos recadadores de zona, nomea-lo recadador titular da mencionada zona.

Por iso,

DISPOÑO:

Artigo 1º

Nomear recadador titular de zona de Ourense a Rafael Torres Lacal.

Artigo 2º

Que cese como recadador interino de zona de Ourense Fernando Guimaraens Benedetti. O cesamento producirase na mesma data da toma de posesión do recadador titular.

Artigo 3º

Para a toma de posesión como recadador titular de zona de Ourense requirirase que se atope na situación administrativa de excedencia voluntaria por interese particular e constitúa, no prazo dun mes contados desde o día seguinte ó da publicación desta orde, ante a Caixa Xeral de Depósitos dos Servicios Centrais da Consellería de Economía e Facenda e á disposición da Dirección Xeral de Tributos, a

garantía á que se refiren os artigos 34 e seguintes do Decreto 51/2000.

Santiago de Compostela, 11 de febreiro de 2002.

José Antonio Orza Fernández

Conselleiro de Economía e Facenda

XULGADO DE PRIMEIRA INSTANCIA E INSTRUCCIÓN NÚMERO CATRO

DE FERROL