A Comisión de Goberno do Concello de Culleredo (A Coruña), na súa sesión do 20 de decembro de 2001, aprobou as bases que rexerán a convocatoria para a provisión en propiedade, polo sistema de concurso de méritos, dunha praza vacante da escala de administración especial, subescala servicios especiais, denominación cabo da policía local.

No BOP nº 3, do 4 de xaneiro de 2002, publicáronse integramente as bases da convocatoria que rexerán a provisión do dito posto.

O prazo de presentación de solicitudes será de quince días hábiles, contados a partir do seguinte ó da publicación deste anuncio no BOE.

Os sucesivos anuncios relacionados con esta convocatoria publicaranse unicamente no BOP e no taboleiro de anuncios do concello.

Culleredo, 7 de xaneiro de 2002.

P.D. (Resolución Alcaldía 22-10-1999,

BOP do 13 de novembro)

Alicia Ferreiro Varela

Concelleira de Persoal, Réxime Interior

e Seguridade Cidadá