O Pleno do Concello de Santiago de Compostela, en sesión do 6 de novembro de 2001, aprobou definitivamente a modificación puntual das determinacións do vixente Plan xeral de ordenación urbana (PXOU) para o desenvolvemento do SUNP-1 (Meixonfrío-I), SUNP-5 (A Muíña), SUNP-14 (Tras O Paxonal) e SUNP-22 (Castro de Abaixo), redactada polos servicios técnicos municipais.
De conformidade co disposto no artigo 48.2º da Lei do solo de Galicia publicouse no BOP número 25 o día 30 de xaneiro de 2002 o texto íntegro da normativa, obxecto de modificación.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo
de reposición ante o Pleno do Concello no prazo dun mes, contado desde a mesma data.
Santiago de Compostela, 30 de xaneiro de 2002.
Luís Toxo Ramallo
Concelleiro delegado de Urbanismo