De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificado por Lei 4/1999, do 13 de xaneiro, notifícaselle a Argentina Fernández da Vila resolución de contrato, dictada polo delegado provincial da Consellería de Política Territorial, Obras Públicas e Vivenda, con data 30 de outubro de 2001, ó abeiro do disposto no Decreto 70/1997, do 14 de marzo, de estructura orgánica do IGVS (modificado polo Decreto 258/1999, do 17 de setembro), que literalmente di:
«Vistas as actuacións practicadas en relación á adxudicataria, en réxime de compravenda, Argentina Fernández da Vila, tendo en conta os seguintes feitos.
1. Que segundo carta de adxudicación do día 11-8-1987, con data 2 de xuño de 1987, foille adxudicada, pola Comisión Provincial de Vivenda, a Argentina Fernández da Vila, en réxime de compravenda, a vivenda de protección oficial de promoción pública, situada na rúa Torrecedeira nº 73, piso 5º B, en Vigo-Pontevedra, do expediente PO-83/450, conta 12.
2. Con data do 22-5-2001, foi requirida para o pagamento dos recibos pendentes correspondentes á devandita vivenda polo importe de 1.967.211 pesetas.
3. Con data do 29-10-2001, a interesada asinou acta de comparecencia renunciando á propiedade da devandita vivenda así como á solicitude de amortización anticipada presentada o día 19-6-2001.
Fundamentos de dereito.
I. É competente para resolve-lo presente procedemento o delegado provincial da Consellería de Política Territorial, Obras Públicas e Vivenda, en virtude do disposto no Decreto 70/1997, do 14 de marzo, de estructura orgnánica do IGVS (modificado por Decreto 258/1999, do 17 de setembro).
II. Os feitos expostos constitúen causa suficiente para declara-la finalización do contrato de compravenda, por renuncia do propietario.
III. Na tramitación deste expediente observáronse as normas vixentes contidas no Decreto 2114/1968, do 24 de xullo, polo que se aproba o Regulamento de vivendas de protección oficial, e na Lei 30/1992, de 26 de novembro, de réxime xurídico das administracións públicas e do procedemento administrativo común.
Vistos os preceptos legais citados e demais de xeral e pertinente aplicación, esta delegación provincial
RESOLVE:
Acepta-la renuncia presentada por Argentina Fernández da Vila e, en consecuencia, declara-la finalización do contrato de compravenda con recuperación da vivenda, sen prexuízo de practica-la liquidación que corresponda.
Contra esta resolución, que non é definitiva en vía administrativa, poderá interpoñer recurso de alzada ante o conselleiro de Política Territorial, Obras Públicas e Vivenda, no prazo dun mes, de conformidade co previsto no artigo 114 da Lei 30/1992, do 26 de novembro, e modificacións introducidas pola Lei 4/1999, do 13 de xaneiro, de réxime xurídico das administracións públicas e do procedemento administrativo común. Pontevedra, 30 de outubro de 2001. José Manuel Iglesias Carrera. Delegado provincial».
Expido, asino e selo esta cédula en Pontevedra o 30 de outubro de 2001.
Andrés Iglesias López
Xefe da Área Provincial de Pontevedra
ANEXO
Expediente administrativo: PO-83/450.
Nome: Argentina Fernández da Vila.
Enderezo: Torrecedeira nº 73, 5º B.
Concello: Vigo.