O Consello da Xerencia Municipal de Urbanismo, en sesión do día 18 de xaneiro de 2002, acordou aprobar inicialmente o proxecto de urbanización da unidade de execución V-D do PERI IV-05 Travesía de Vigo-Aragón, presentado pola comunidade de bens Bardelas y Álvarez, S.L., Manuel González González e José Simón Viéitez, propietarios únicos en pro indiviso, que desenvolve as previsións contidas no estudio de detalle da mencionada unidade (expte. 6202/411), aprobado definitivamente o 28 de xuño de 2001.

Sométese este expediente ó trámite de información pública polo prazo dun mes, a través de publicación no DOG, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º significando que o prazo de exposición pública se entenderá aberto desde a primeira publicación ata o remate do mes, contado desde o derradeiro anuncio.

A documentación deste expediente atópase ó dispor do público en xeral na oficina de Información Urbanística, na planta baixa da xerencia.

Este anuncio servirá de notificación nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que, por resultaren descoñecidos ou ignorado o seu domicilio, non poidan ser notificados persoalmente.

Vigo, 28 de xaneiro de 2002.

Lois Pérez Castrillo

Alcalde-presidente da Xerencia Municipal

de Urbanismo