O Xurado Provincial de Clasificación de Montes Veciñais en Mano Común de Pontevedra, en sesión que tivo lugar o día 24 de febreiro de 1999, acordou inicia-los trámites para a clasificación, como veciñal en man común, dos seguintes montes:

Concello: Vilagarcía de Arousa.

Parroquía: Trabanca-Badiña.

Nome do monte: Bouza dos Abalos e Penedo.

Cabida total estimada: 2,84 ha.

Localización xeográfica: as coordenadas extremas na cuadrícula U.T.M. son:

Extremo norte 4717950.

Extremo sur 4716250.

Extremo leste 521200.

Extremo oeste 520800.

No citado monte distínguense dúas parcelas.

Parcela nº 1 Bouza dos Abalos.

Cabida: 0,89 ha. A vexetación consta de matorreira baixa, abundante rexeneración de Pinus pinaster Ait. e unha ducia de pés adultos da mesma especie.

Estremas:

Norte: predios particulares e camiño ó monte Xiabre.

Sur: antigo camiño ó monte Xiabre.

Leste: predios particulares.

Oeste: predios particulares.

Colindantes:

Norte: Mª Jesús Rubiáns Campos, Manuel Rodríguez Rubiáns.

Leste: Victoria Campos, Manuel Rodríguez Rubiáns.

Oeste: hrdos. de Margarita Patiño, José Isaac Gómez Abalo.

Servidumes: atravesada por camiños de Trabanca-Badiña ó monte Xiabre en dous trazados distintos.

Ocupacións: observase a presencia de: un depósito de augas. Unha canteira abandonada que ocupa mais da metade da parcela no seu desterro. Unha vivenda ocupada e en edificación dentro do desterro da canteira. Varias chabolas ocupadas. Unha cerca de bloques e arame.

Parcela nº 2 Monte Penedo, O Penedo, Pedra Mallariza ou Pedra Malladiza.

Cabida: 1,95 ha. Parcialmente rasa, na zona norte aparece masa de Pinus pinaster adulto. Ó oeste monte bravo e rexenerado da mesma especie.

Estremas:

Norte: predios particulares, camiño vello de Trabanca a Cea e pista asfaltada separada por muro.

Sur: predios particulares muro por medio.

Leste: predios particulares e fincas particulares muro por medio.

Oeste: predios particulares, polígono industrial.

Colindantes:

Norte: Manuel Bentosinos Aguya, hrdos. Luis Mouruños.

Sur: predio Golpelleira (hrdos. de Ballesteros).

Leste: predio Golpelleira (hrdos. de Ballesteros).

Oeste: polígono industrial, Manuel Bentosinos Aguya, Elisa Barreiro García.

Servidumes: atópase atravesada por camiño.

O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte á publicación deste anuncio para que

se poida examina-lo expediente e aducir durante este tempo o que se estime procedente en relación cos montes de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o regulamento para a execución da dita lei.

Pontevedra, 14 de xaneiro de 2002 .

José A. López Rodríguez

Presidente do Xurado Provincial de Montes

Veciñais en Man Común de Pontevedra