O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 29 de novembro de 2000, acordou inicia-los trámites para a clasificación como veciñal en man común do seguinte monte:
Concello: Lalín.
Parroquia: Vilanova.
Nome do monte: Vilar.
Cabida total estimada: 161,75 ha.
Localización xeográfica: as coordenadas extremas na cuadrícula UTM son:
Extremo norte 4717250.
Extremo sur 4714500.
Extremo leste 573750.
Extremo oeste 572250.
No citado monte distínguense tres parcelas.
Parcela nº 1.
Localizada ó oeste do trazado da liña de ferrocarril, entre o leste e o río Abeleda.
Cabida estimada: 1,3 ha. Actualmente atópase poboada por matorreira e pés soltos de Pinus pinaster.
Estremas:
Norte: propiedades particulares.
Sur: propiedades particulares.
Leste: propiedades particulares.
Oeste: río Abeleda.
Colindantes:
Norte: Manuel Fernández Nogueira, Julia Gómez, Piedad González.
Sur: Hermesindo Presas Fernández.
Leste: Olga Fernández Alonso, Piedad González e outros.
Servidumes: atravesada por camiño veciñal e pistas de servicio a predios colindantes.
Parcela nº 2.
Ocupa o espacio deixado entre o antigo e o novo trazado da estrada PO-202 (O Carballiño-Lalín).
Cabida estimada: 0,4 ha. Actualmente atópase poboada de matorreira.
Estremas:
Norte e leste: antigo trazado da estrada PO-202.
Sur e oeste: novo trazado da estrada PO-202.
Parcela nº 3.
Ocupa o resto da superficie do monte.
Cabida estimada: 160,05 ha. Apréciase a presencia de rasos e zonas esquilmadas estando o resto poboado por matorreira de leguminosas con rexeneración descontinua de Pinus pinaster e pés dispersos de Pinus pinaster, Castanea sativa e Salix sp.
Estremas:
Norte: río Seixos, rego de Navallo e terreos particulares.
Sur: límite parroquial de Nogueira e Abeleda.
Leste: terreos particulares, estrada de Navallo a PO-202 e concello de Dozón.
Oeste: camiño veciñal, terreos particulares, núcleo de poboación de Vilar e río Abeleda.
Colindantes:
Norte: Mª del Carmen Gutiérrez López, Mª Josefa López e outros.
Sur: parroquias de Nogueira e Abeleda.
Leste: Mª Josefa López Blanco, Socorro Gutiérrez Lalín, Consuelo Gutiérrez Lalín e outros.
Oeste: Amancio Presas Fernández, Modesto Fernández Gómez de Nogueira, Julia Gómez Cachafeiro de Sanmartiño, José Pérez de Nogueira e outros.
Servidumes: o monte atópase atravesado polo ferrocarril Ourense-Santiago, a estrada comarcal PO-202 (Lalín-O Carballiño), o camiño veciñal que desde a dita estrada conduce a Navallo, o camiño veciñal de Vila a Navallo e varias vías de servicio a encraves dentro do monte.
Ocupacións: dentro do perímetro do monte ó longo do camiño de Navallo á estrada PO-202 localízanse parcelas destinadas ó cultivo agrícola e prado.
Encraves: existen varios encravados no monte que, de acordo coa información fornecida, teñen os seguintes propietarios: Olga Fernández Alonso (varias propiedades), Leonor Gómez Fernández (varias propiedades), Piedad González Fernández (varias propiedades), Purificación Lamas Fernández (varias propiedades), Hermesindo Presas Fernández, Julio García Sánchez.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte á publicación deste anuncio para que se poida examina-lo expediente e aducir durante este tempo o que se estime procedente en relación cos montes de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 14 de xaneiro de 2002.
José A. López Rodríguez
Presidente do Xurado Provincial de Montes
Veciñais en Man Común de Pontevedra