A Fundación Pública Urxencias Sanitarias de Galicia-061, anuncia a convocatoria pública dos seguintes postos para a contratación indefinida do seu cadro de persoal, de acordo coas seguintes bases:
Técnico de contabilidade financeira. Ref.: CA.
Requisitos mínimos:
-Licenciado en cc. económicas e/ou empresariais.
-Acreditación de experiencia profesional dun mínimo dun ano en departamento de contabilidade.
-Dominio de microsoft office a nivel de usuario e coñecementos de galego.
-Coñecementos do sector sanitario público.
-Coñecementos do PGC adaptado a entidades sen fins lucrativos.
Valorarase:
-Dominio do programa de contabilidade Novaplus de CCS.
-Experiencia en posto similar no sector sanitario, preferiblemente público.
Técnico de cobros e clientes. Ref.: CC.
Requisitos mínimos:
-Titulación superior.
-Acreditación de experiencia profesional en departamento cobros preferiblemente en entidades sanitarias públicas.
-Acreditación de experiencia profesional en departamentos de recolla de datos para facturación preferiblemente en entidades sanitarias.
-Dominio de microsoft office a nivel de usuario e coñecementos de galego.
Valorarase:
-Coñecemento do sector sanitario público, do sector asegurador e do transporte sanitario urxente.
-Coñecementos de ferramentas para a xestión de cobros.
-Coñecementos do sector asegurador e do transporte sanitario urxente.
-Experiencia en posto similar no sector sanitario, preferiblemente público.
Presentación de solicitudes:
Os interesados que cumpran os requisitos esixidos deberán remiti-lo seu currículum, indicando a referencia que se indique, dirixido ó apartado de correos nº 5195 Vigo-36200, antes de 10 días contados desde a data de publicación deste anuncio. Deberá presentarse copia compulsada dos certificados de servicios prestados, dos diplomas acreditativos de cursos, e do título mínimo esixido.
Inicio das probas:
O exame teórico/práctico non se realizará antes dun mes desde que se publique esta convocatoria, de acordo co disposto no artigo 4 da Lei 10/1996. Os baremos estarán á disposición dos interesados no taboleiro de anuncios da fundación e tamén se poderán solicitar no nº de fax 981 54 67 28.
Santiago de Compostela, 5 de febreiro de 2002.
Carmen Rial Lobatón
Directora da Fundación Pública Urxencias
Sanitarias de Galicia-061