De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, e no Decreto 482/1997, do 30 de decembro (DOG do 8-1-1998), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan que con esta data resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto), por non ser posible a notificación a través do servicio de correos.

Nómease instructora deste procedemento a Paloma Quiroga López, e secretaria a Marta Joaquin Tersado,

funcionarias desta delegación provincial, que poderán ser recusados en calquera momento da tramitación do expediente de concorren os supostos legais.

Os interesados diporán dun prazo de quince días (15), contados a partir do seguinte ó da publicación desta notificación, para achegaren, por escrito, cantas alegacións, documentos, informacións ou propostas de probas consideren convenintes en defensa dos seus dereitos.

Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción. O pagamento voluntario porá fin ó expediente e para efectualo deberanse emprega-los impresos normalizados que serán facilitados nesta Delegación Provincial de Lugo, sita na Ronda da Muralla, nº 70-2º baixo.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Lugo, 3 de decembro de 2001.

Luis González Vázquez

Delegado provincial de Lugo

ANEXO

-Expediente: P-124/2001.-Denunciado: Alquiler de Retros Mixtos y Camiones H.G., S.L.-DNI: B-32250524.-Enderezo.: c/ Da Cava, nº 26. Orense.-Feito denunciado: provoca-lo enturbamento das augas continentais do río Cabe mediante a incorporación de lama procedente dunha excavación. Os resultados das análises das mostras de auga recollidas presentan uns elevados valores de sólidos en suspensión, cloro total, fosfatos e nitritos, que incumpren o disposto no anexo V do Decreto 130/1997, do 14 de maio, alterando gravemente o ecosistema fluvial. Feitos constatados o día 16-5-2001 ás 14.30 h na Ponte-Ribasaltas, estrada C-546. Monforte de Lemos. Lugo.-Precepto sancionador: artigo 35.9º da Lei 7/1992 de pesca fluvial de Galicia.-Cualificación: grave.-Sanción: 500.001 pesetas (3.005,07 euros).