Por Orde do 17 de xullo de 2000 (DOG nº 147, do 31 de xullo), convocouse proceso selectivo para o acceso ó corpo de xestión de Administración da Xunta de Galicia (grupo B), escala técnica de finanzas, sendo nomeados como funcionarios en prácticas a través da Resolución do 4 de outubro de 2001 (DOG nº 197, do 10 de outubro).

Unha vez publicados polo correspondente tribunal os resultados obtidos no curso selectivo, e co obxecto de que os aspirantes que superaron o dito proceso selectivo accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron o proceso selectivo polo sistema de acceso libre para o acceso

ó corpo de xestión de Administración da Xunta de Galicia (grupo B), escala técnica de finanzas, para a elección de destino definitivo, en único chamamento, no salón de actos da Escola Galega de Administración Pública, sita no polígono das Fontiñas s/n, en Santiago de Compostela, o día 19 de febreiro ás 12 horas, podendo elixir, segundo a orde acadada no proceso selectivo, entre os postos que se relacionan no anexo desta orde, sempre que reúnan as condicións esixidas nel.

Os aspirantes deberán ir provistos de DNI ou outro documento que acredite fidedignamente a súa personalidade.

Os aspirantes que non comparezan persoalmente poderán ser representados por terceiras persoas con poder notarial suficiente.

Ós aspirantes que non comparezan persoalmente ou por medio de representantes seranlles adxudicadas en destino definitivo as prazas que lles corresponden atendendo á orde de publicación destas e ó número obtido no proceso selectivo, unha vez concluído o proceso de adxudicación das prazas ós aspirantes presentes ou representados, e entre as que quedaron sen adxudicar.

Santiago de Compostela, 1 de febreiro de 2002.

Jaime Pita Varela

Conselleiro da Presidencia, Relacións

Institucionais e Administración Pública

ANEXO

Relación de postos de traballo vacantes do corpo de xestión

de Administración da Xunta de Galicia. Escala técnica de finanzas.

Grupo B

Especialidade: técnica de inspección financeira e tributaria

Especialidade: técnica de xestión tributaria

Especialidade: técnica de contabilidade e intervención.