De conformidade coa proposta elevada pola comisión constituída para xulga-lo concurso convocado por resolución desta universidade do 16 de xaneiro de 2001 (BOE do 15 de febreiro) para a provisión da praza de catedrático de universidade, da área de coñecemento de estomatoloxía, do departamento de Estomatoloxía da Universidade de Santiago de Compostela, a favor de José Manuel Gándara Rey, tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a José Manuel Gándara Rey, catedrático de universidade da área de coñecemento de estomatoloxía, do departamento de Estomatoloxía da Universidade de Santiago de Compostela.

Santiago de Compostela, 7 de xaneiro de 2002.

F. Darío Villanueva Prieto

Rector da Universidade de Santiago de Compostela