Visto o expediente do acordo regulador das condicións de traballo do persoal funcionario ó servicio da Deputación da Coruña que tivo entrada nesta delegación provincial o día 5-12-2001, subscrito en representación da parte económica pola Corporación, e da parte social, polos representantes sindicais de UGT, CIG e CC.OO. o día 13-7-2001, de conformidade co disposto no artigo 36 da Lei 9/1987, do 12 de xuño, sobre órganos de representación, determinación das condicións de traballo e participación do persoal ó servicio das administracións públicas, segundo a redacción dada pola Lei 7/1990, do 19 de xullo, esta delegación provincial
ACORDA:
Primeiro.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Segundo.-Dispoñe-la publicación no Diario Oficial de Galicia do extracto da acta na que figura o dito acordo, que se reproduce a seguir:
«Na Deputación Provincial ás 9.30 horas do día 13 de xullo de 2001 reúnese a mesa xeral de negociación do persoal funcionario.
Preside: Dositeo Rodríguez Rodríguez, vicepresidente segundo da Corporación.
Concorren como representantes sindicais:
Enrique Fernández Maceira (UGT), Alberto Cadaveira Mahia (CIG), Pedro González Pérez (CC.OO.).
Actúa de secretaria: Ana Marcos García, xefa do Servicio de Persoal.
5. Anticipos de paga:
Acórdase modifica-lo nº 2 do artigo 26 do Acordo Negociado de Funcionarios, o tope máximo destes é de 1.000.000 de pesetas.
Ás 11.30 horas do día ó principio sinalado levántase a sesión».
A Coruña, 10 de xaneiro de 2002.
María Silva Costoya
Delegada provincial da Coruña