De conformidade coa proposta da comisión designada para xulga-lo concurso que convocou esta universidade por Resolución do 12 de marzo de 2001 (BOE do 4 de abril), para a provisión da praza número 01/004 de profesor titular de universidade da área de coñecemento de ciencias da computación e intelixencia artificial, do departamento de Tecnoloxía da Información e as Comunicacións desta universidade, a favor de Antonio Santos del Riego, e unha vez que o interesado acreditara os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Antonino Santos del Riego profesor titular de universidade da área de coñecemento de ciencias da computación e intelixencia artificial, do departamento de Tecnoloxía da Información e as Comunicacións desta universidade.
A Coruña, 4 de xaneiro de 2002.
José Luis Meilán Gil
Rector da Universidade da Coruña